油街實現點解叫「實現」?

其實係因為佢位於油街12號,所以就用咗12嘅諧音「實現」,寓意作為一個起步點,將藝術融入大眾生活,從而實現「油街實現」嘅願景。油街實現英文名係"Oi!",好似一個行動號召,邀請大家共同創造。“Oi!"亦同「油街」英文名 "Oil"相近。

油街實現現貌

油街實現前身係咩?

油街實現前身係香港皇家遊艇會會所,本來位於海濱位置,喺30年代遊艇會因為北角填海工程而遷離。1995年,被列為香港二級歷史建築。直至2010年,政府決定將建築物活化做推廣視覺藝術嘅展覽同活動中心。

油街實現鐵樓梯

活化之後做緊咩?

經歷活化之後,「油街實現」藝術空間成為視覺藝術交流嘅新平台,培育年輕藝術人才及推廣社群藝術;提供一個空間畀藝術界人士同社群互相交流、發揮創意和想像,大膽咁試驗藝術嘅各種可能性。同時以藝術成為載體,連結人同社區。

油街實現上層

睇咗咁耐,想唔想挑戰一下自己對油街實現係咪真係咁有認識呢?

油街實現其中一個打卡位就係紅磚牆,大家又有冇諗過喺樓梯可以點影啲得意相呢?睇吓點樣用錯位攝影嚟影樓梯啦!

#油街實現 #油街實現藝術空間 #油街 #古蹟 #紅磚屋 #oilstreet #oilstreetartspace #古蹟 #heritage #historical #historicalbuilding #cocacolahk #回味香港回味可口可樂

資料由康樂及文化事務署 – 油街實現提供

油街實現就喺北角油街12號,搭港鐵到炮台山站,於A出口行幾分鐘就到油街實現

#油街實現

想打卡又唔知點影好?睇吓其他人嘅相片分享啦!影完記住 hashtag #cocacolahk 同 #油街實現啊!