雷生春有咩建築特色?

雷生春係少數現存30年代嘅舖居大宅,由英國建築師設計,配合戰前「走馬大騎樓」式唐樓,獨有方型框架同欄杆裝飾。喺活化嘅過程度入面,雷生春嘅騎樓式外觀、欄杆裝飾、門窗,頂層外牆嵌有「雷生春」家族店號嘅石匾,以至地磚同物料都獲盡量保留。

修復前雷生春外貌
修復後雷生春外貌

雷生春以前係咩?

雷生春原為九龍汽車(1933)有限公司的創辦人之一的雷亮先生擁有,並邀請英國建築師布爾(W. H. Bourne)興建,於1931年落成。建築物地下係「雷生春」跌打藥店,樓上各層則用作雷氏家人居所。2000年,雷生春被古物諮詢委員會評定為一級歷史建築,同年雷氏家族把大宅捐贈予香港政府,回饋社會。2009年,香港浸會大學獲選參與活化計劃,將雷生春發展為集中醫藥保健服務、公共健康教育、歷史文化展覽於一身的「香港浸會大學中醫藥學院──雷生春堂」。

當時嘅雷生春「走馬大騎樓」

雷生春個名點嚟?

名字源於一對對聯,「雷雨功深揚灑露,生民仰望藥回春」,寓意雷生春所生產的藥品像醫術高明的醫師般妙手回春,藥到病除。

活化後雷生春「走馬大騎樓」

「西醫」都要同雷生春借「鏡」?

原來2016年美國超級英雄電影《奇異博士》(Dr Strange) 入面嘅香港聖所,就係以雷生春為設計藍本㗎喇。

雷生春正門嘅葫蘆形銅壺,其實係用嚟裝涼茶嘅。
雷生春下層花園有一對銅像,其中一個喺腰間仲掛咗一個大葫蘆嘅就係醫師喇。

睇咗咁耐,想唔想挑戰一下自己對雷生春係咪真係咁有認識呢?

雷生春嘅「走馬大騎樓」由多條柱支撐,地下走廊就係由呢啲柱組成,唔想成棟建築物影晒咁老土? 可以試下喺柱同柱之間用錯視效果打張卡,咁就有新意得嚟又可以紀錄到建築特色啦!

#雷生春 #luisengchun #laichikokroad #古蹟 #heritage #historical #historicalbuilding #cocacolahk #回味香港回味可口可樂

資料由文物保育專員辦事處、古物古蹟辦事處及香港浸會大學中醫藥學院-雷生春堂提供

雷生春喺荔枝角道 119 號;搭港鐵到太子站 C2 出口,沿太子道西轉入荔枝角道,再向前行就到「雷生春」喇!

#雷生春

想打卡又唔知點影好?睇吓其他人嘅相片分享啦!影完記住 hashtag #cocacolahk 同 #雷生春啊!