點解叫「藍屋」?

藍屋係藍色人人都知,但點解係藍色你又知唔知呢?其實藍屋本來並唔係藍色!只係因為喺 1990 年代香港政府為建築物進行翻新工程時,發現物料庫只剩水務署常用嘅藍色油漆,所以就油咗藍色喇!

藍屋新舊對照:復修前

藍屋以前係咩?

藍屋係以前典形上居下舖建築。1920年代曾經出現為街坊子弟提供免費教育嘅「鏡涵義學」。1950年代有黃飛鴻徒弟林世榮姪仔林祖開設嘅武館。2010 年正式交由聖雅各福群會營運,活化工程保留樓上民居,樓下舖嘅特色,包括有香港故事館、社會企業甜品店同埋素食店。

藍屋新舊對照:復修後

除咗藍屋仲有無其他顏色嘅屋?

藍屋並唔係孤零零得自己一棟㗎,藍屋建築群由三組建築物組成,仲包括橙屋同黃屋。

藍屋設有內院,供居民休憩

藍屋威水史

藍屋係全港首個以「留屋留人」方式活化嘅歷史建築,2000年被評為一級歷史建築。2017年,全港首次獲得聯合國頒發亞太區文化遺產保育保護獎最高榮譽嘅卓越大獎,及香港建築師學會頒發全年境內建築大獎以及文物建築主題建築獎 。

復修後的樓梯
保留上層單位內部特色,讓租客繼續居住

睇咗咁耐,想唔想挑戰一下自己對藍屋係咪真係咁有認識呢?

藍屋其中一個特色就係佢嘅騎樓設計,喺以前嘅日子有唔少人都會喺屋企嘅騎樓接「飛機欖」,要一時三刻練成拋接技巧就冇乜可能,但用咗呢個倒帶效果就係人都可以成為「飛機欖」達人啦!

#藍屋 #灣仔藍屋 #香港藍屋 #香港故事館 #vivabluehouse #bluehousewanchai #bluehousehongkong #bluehousehk #古蹟 #heritage #historical #historicalbuilding #cocacolahk #回味香港回味可口可樂

資料由文物保育專員辦事處、古物古蹟辦事處及聖雅各福群會提供

藍屋喺灣仔石水渠街72號至74A號雙數門牌,想去嘅話可以由港鐡灣仔站A3出口沿太原街走,至皇后大道東後左轉,一直往前走到石水渠街。

去完藍屋仲可以順便去埋附近嘅歷史建築喎,藍屋嘅北面有三級歷史建築灣仔街市,南面就有另一個一級歷史建築北帝廟,西面仲有法定古蹟灣仔環境資源中心同埋一級歷史建築洪聖廟啊!

#藍屋

想打卡又唔知點影好?睇吓其他人嘅相片分享啦!影完記住 hashtag #cocacolahk 同 #藍屋啊!